最近香港興玩潮語,人人都用老掉牙的詞語當新鮮,咩升呢,頹,由細講到大,現在才叫潮,真係美國拍龍珠,後知後覺。
令人最難頂的就是網絡上的人,開口埋口叫師兄,簡稱ching啦! 係網上叫都沒什麼所謂,見不到你,禮貌一下,謙虛d嘛,沒所謂。
但係有時網上拍賣出來交收,見到面前果位仁兄仲大自己起馬十年以上,句句師兄前師兄後咁叫我,真係……
你想潮都唔使咁架,唔通你要我叫返你一聲「師弟」咩,兩個人師兄來師兄去,同大家亙叫靚仔不同,有輩份的嘛。你估逢人叫師兄包無死咩,咁你入幼稚園叫飽佢。
老了,真係代溝,沒現在d白領咁識潮,可能師兄已取代靚仔,只是一個像你我他一樣的代詞,沒什麼內在意義的了。唔…文化,唉! 聽在耳中還是有一些耳屎,真的年紀大了….
想不到,又老一歲…