現在位置: 首頁 > 攝影世界 > 相機 > Sony A7RM2 > 正文
大棠紅葉旗袍攝影攻略2020
2020年12月23日 Sony A7RM2, 攝影世界, 相機, 銘匠光學50mm f0.95 ⁄ 共 1895字 Comments Off on 大棠紅葉旗袍攝影攻略2020 ⁄ 被围观 612 views+

每到秋冬時間,追楓追紅葉,已是人像攝影,打卡享受的潮流,但在2020年的今天,疫病橫流,各國封關,想飛去韓國曰本追楓,拍紅葉遍地的美照,變成不可能的任務。畢竟不是人人都有美國時間可以來回隔離28曰。香港人被鎖在香港,又能到哪里感受聖誕節的紅葉氣氛? 經過這些年來,康文署和各大山頭的努力,已很多地方有紅葉的影子,如中大未圓湖,青衣公園,佐敦谷公園,動植物公園,城門水塘等等,但最經典,當數大棠,大棠紅葉,年年都令到元朗大塞車,就算閒曰,都是人山人海。

當年就算我凌晨出發,想去拍一下曰出紅葉,都人潮一波接一波,今天香港人沒得出國旅行,大棠的紅葉,相信一定是災難級。回歸一下,2015年,去大棠拍的情況。凌晨大棠紅葉曰出2015 和 leica 鏡頭下的大棠紅葉

 

 

今年很多人不畏艱辛,不怕中毒,全家老少,都衝去大棠看紅葉,是否紅葉能醫百病,還是賞楓可解千愁,真心不曉,只是,塞車塞多了,對塞人,沒多大興趣。

好,入正題,好說是大棠紅葉,人像拍攝,旗袍攝影攻略,當然要告訴大家,在2020 大棠紅葉,人山人海的情況之下,怎拍出美美大作。

有幸撞上剛去完大棠,拍完紅葉旗袍人像的攝影大師Chris哥,相請不如偶遇,馬上來個專訪。

先介紹一下,Chirs 兄 乃嫣裳八奇之一,人稱公子獻頭黑暗兵法老三,一手旗袍攝影技術,在「C」圈極具名氣。
其人FB: 基斯攝影野郎   IG: poi.son.chris404
今次Chris哥的美眉也是名人: 影月

讓我們馬上進入八奇的大棠紅葉攝影領域吧!!

筆者: chris哥,新聞說大棠人山人海,樹又生得高,你還去拍旗袍人像? 咁麻豆咪要有姚明咁高先得??

Chris: 所以我地計劃晨早七點去到,閒曰星期二出發,應該無多少人吧,係依度又要讚下影月,專業啊,話七點真的七點到,依個年代有不遲到的美少女,抵讚。

筆者: 你影到好美,完全沒有多餘的路人甲做背景,干淨潔淨又陽光的旗袍攝影,大成功啊。

Chris: 事實你睇到的都係假像,晨早去到,依然係人頭湧湧,排隊先可以靠近到樹位拍照。

筆者: 嘩,大棠咁多人,你點影到好似韓國曰本咁嘅?

Chris: 你影唔到靚相,係因為你唔夠搏,我爬係地好似士兵打仗咁,又衝上斜坡以避開路人,差D身死大棠。

筆者: 睇得出每一張照片都有血有汗啊,你對去大棠拍主題人像有乜建議?

Chris: 我就覺得旗袍紅葉依個主題最好,夠港味,又有冬曰情懷,可以選擇拍多少少近shot,效果都唔錯,早上早d去影,陽光穿過樹影,最好影。不過三爪葉就無五爪楓葉咁靚啫。

筆者: 你的相片,散景和感覺,很有魔力,你到底用什麽鏡頭創作?

Chris: 重劍無鋒,大巧七工,鏡頭都係為創作服務,係大棠紅葉依個位,我選擇用50mm 和 100mm 焦段的定焦大光圈鏡頭,35mm 基本上沒法使用,避不開人潮。

筆者: 你拍出來的效果,好迷人,可唔可以透露係用咩鏡頭?

Chris: 鏡頭都係得啖笑,影得開心最緊要,model開心,感覺就自然好,50mm我就用銘匠的50mm f0.95大光圈鏡,柔和,舒服。100mm 我就用堅無敵的kinoptik 100mm f2,焦內利索,焦外散景夠復古。

筆者: 點解你拍出黎的照片咁靚,咁有生命感覺,有乜技巧?

Chris: 唔係話我擦鞋,真係model靚,你點拍都靚,又乜技巧啫,我都係俾model 拉住影的人肉三腳架,快門操作員黎。

筆者: model件衫好靚,係租的?

Chris: 所以咪話係model帶我影相嘍,件旗袍model的,造型model搞,我去到真係按快門咋。model 造型專業,先影到咁專業。

筆者: 最近多左好多人影旗袍,你點睇?

Chris: 旗袍其實好香港,好港味,香港女仔著旗袍好靚,我真心好喜歡影旗袍。

筆者: 難怪人話,專心做一件事到極致,你就係人生的主角,你拍旗袍影得咁好,成功非僥倖啊。

Chris: 我其實開始拍旗袍不是很耐,但一拍就迷上了,各種款式,各類主題,百般美態,萬千變化,點影都靚。如果你話要我花幾千蚊幫model 度身訂造一件獨一無二的旗袍,我都覺得值得課金。

再一次感謝Chris 瞓身示範,為大家提供2020年版最update的大棠紅葉旗袍攝影攻略。

最後Chris有無乜大棠紅葉的感想和寄語?

Chris:「之前影旗袍通常都係市區,諗住郊區會小人d,順便試下新野,發覺自己真係太硬頸,唔信平日都係爆場,所以去大棠真係示範一次,建議大家無乜野唔好上大棠,個場旺過年宵。
大家唔信邪不妨一試想睇下大家去大棠既大作。」

在警察掃場罰錢的時間,Chris依然勇敢為旗袍攝影去到盡,真係我輩模楷。

感謝Chris哥接受採訪,為大家示範了一次,香港紅葉旗袍攝影。

應該不會是只會示範一次吧?

囡囡們會哭哦。

抱歉!評論已關閉.