canon 在推出f1.2上，真係好用心，nikon 都沒一支85mm f1.2，佢就不斷係咁出，eof 系列的85mm f1.2都出到第二代，當然，對焦都係垃圾，仲好易壞，所以我有canon單反時都無心，因為聞說此鏡中焦困難，所幸入左GFX 50r，今次就梗係要入canon 85mm f1.2 II玩啦，價錢又唔貴，仲要cover 4433 sensor，唔玩點得。

經典的光學結構加上一片非球面鏡，七組八片，8片圓形光圈，最近對焦0.95米，放大率0.11x，在光圈全開，高線性時，只有0.5的mtf評分。。。。是在告訴攝影師，f1.2係用黎扮型用的。

當然我是全開f1.2使用，配上gfx 50r，中焦方便，af可以放棄，專心mf用。散景的綠邊好突出，要後期處理。

前散景的紫邊亦同樣突出。。。

在5000萬像素的數碼世界，玩這支canon 85mm f1.2 II代，玩的是氣氛吧。

中距離的效果，成像都算可以接受。

如果不是紫邊綠邊的色差太重，此鏡真係幾正。

當然，轉黑白的話，幾紫幾綠都無乜所謂。此鏡上到4433sensor，光圈蝕沒有在135般突兀顯眼。

以現在二手不到六千左右的價，就可以玩到f1.2光圈在gfx上感覺，比之索價兩萬的gf 110mm f2 更抵玩。

只要用心d mf對焦，畫面都好鬼sharp的，當然要後期c1幫幫手。

聞說canon 50mm f1.2 L都可以上4433，搵曰都要試下。

大光圈從來都係一種迷執，大多數拍攝情況下你都係不需要的，但人類就是需要一些不需要的，如果人人只需要需要的，世界早就天下太平。